أمس جدة تبكي ودمعه حمر ... والأحد حائل دموعه سايلات.. مرثية ببنات حائل وجده

[ابو العزام]

بسم الله الرحمن الرحيم

أمس جدة تبكي ودمعه حمر ... والأحد حايل دموعه سايلات.. مرثية ببنات حايل وجده

قصيدة الشاعر نايف العتيبي بطالبات حائل وجده

http://www.safeshare.tv/w/XUmAIsixFs

أنشري ياعين حايل هالشعر
============عن قصيدة قلتها بحادث بنات
ماهو بحادث وحيد(ن) يابشر
============ذي حوادث والضحايا طالبات
ماهو الأول ولا الرابع عشر
============الحوادث الله أكبر بالمئات
كل يوم الدرب يحصده الزهر
============طالبات الجامعة ومعلمات
عرضو بنت الحموله للخطر
============الخطا فادح وحنا في سبات
كل يوم اقرى واشاهد لي صور
============وأنقهر واطلب من الله النجات
أمس جدة تبكي ودمعه حمر
============والأحد حايل دموعه سايلات
أربعين أقفت ركايبهن فجر
============كل وحده كفنوها بالعبات
المسافات الطويلة والسهر
============عاندت حلم السنين المقبلات
لا متى والخط يطحنهن قهر
============لا متى تطفي شموع الحالمات
ياهل التعليم يأصحاب النظر
============وفرو للطالبات الجامعات
العمر لا راح مايفيد العذر
============مثل ماقال المثل مافات مات
أنشري ياعين حايل هالشعر

============عن قصيدة قلتها بحادث بنات
ماهو بحادث وحيد (ن) يابشر
============ذي حوادث والضحايا طالبات

الله يرحمكم رحمة واسعة


لشاعر : نايف العتيبي
​

​

 

[أبوفاطمة]

رد: أمس جدة تبكي ودمعه حمر ... والأحد حائل دموعه سايلات.. مرثية ببنات حائل وجده

رحمة الله عليهن

 

[ابو العزام]

رد: أمس جدة تبكي ودمعه حمر ... والأحد حائل دموعه سايلات.. مرثية ببنات حائل وجده

رحمة الله عليهن

كل الشكر لك أخي ابو فاطمة