خلاص وماتت البسمة ؛ رائعة المنشد عبد الرحمن الفراج

[لاخبت ياأملي]

؛

عتاب مطلقة ؛​

خــلاص ومـاتـت الـبسـمه وحارت خطوة الاقدام
ولالي غير ذكراكم أسولف في طواريها

علامــك نـاويـن تـرحـل وتتركني مـع الاوهـام
ترى بعدك علي اكبر من الدنيا وما فيها

تودعني وانا ضايق ودمعي بــلــل الأكـــمـــام
عسى ليلة وداعك ما يعيد الوقت ماضيها

نسـيت الـوصـل والـطـيـبه نسيت الحلم والأحلام
نسيت اللي على شانك ولو يصعب أسويها

نــسيت عـيـون تـسـهـر لـك وعـينك تتركه وتنام
نسيت الشعر وحروفن على شانك قوافيها

نسيت الشوق واللهفه اذا شفــتــك بــعــد أيــام
أعاتب ليلة وحده تروح ولا تجي فيها

نــسيــت احـلامـنـا كـله ونـحـلـم وش يجي قـدام
نقول الحلم يتحقق ولو طالت لياليها

ترى لو طــول غـيـابـك أحـس بــساعـتـه اعوام
أحس البعد ما يرحم واقوم احسب ثوانيها

نسيت أطفال من عقبك غدو في زحــمة الأيـتـام
أمانه من عقب صدر الاب منهو يدفيها

نسيت شلون بيدينك تعلم مــســكــة الــمـرسام
كتب اسمك على كفه وبلسانه يهجيها

أشوفك ما تبي تحكي أو ان الــبــال مــنـك هـام
تكلم قول أي كلمه عسى ناري تطفيها

وذاب البوح من بعدك وماتت نشوة الأقـــــــلام
وعقبك يا بعد حالي حياتي من يسليها

فديتك لا تعاتبني اذا من عقبكم مــنــظــــام
ترى نار الغلا تحرق وتكوي رجل واطيها

أشوف فراقك بعيني مع اسراب الليالي حـــــام
عشان الروح لا ترحل عسى ترجع وتحييها

مدام انك خذيت اغلى شعوري واصدق الالهام
تعال وخذ معك روحي ترى لاغبت ما ابيها
​

للتحميل


http://www.rofof.com/10dae5v1/Wkhlas_wmatt_albsmh.html​

منقوول

 

[ابو العزام]

رد: خلاص وماتت البسمة ؛ رائعة المنشد عبد الرحمن الفراج

نشيد رائع ومؤثر
بارك الله فيك أختي الكريمة

 

[صفو الأيام]

رد: خلاص وماتت البسمة ؛ رائعة المنشد عبد الرحمن الفراج

اسعدك البآري على النشيد المؤثر
..دمتي بخير
--------------

 

[لاخبت ياأملي]

رد: خلاص وماتت البسمة ؛ رائعة المنشد عبد الرحمن الفراج

بوركتم على المرور

 

[أبـو حـسـن]

رد: خلاص وماتت البسمة ؛ رائعة المنشد عبد الرحمن الفراج

شكرا