السلام عليكم
اخوتي اخواتي في المنتدى اني هذه السنه الاخيره لي في الدراسه وقد عملنا حفله تخرج قام بها عميد المعهد فكتبت قصيده عن التخرج(احد الاقسام عملو حفله بوحدهم وهم قسم القياس والسيطره)فعاتبتهم_ وهم زملائي
والحفله اقيمت في محافضة كركوك النفطيه لاننا ندرس معهد النفط واختصاصي التصفيه قسمي التشغيل والسيطره والقصيده نبطيه ارجو ان تنال اعجابكم
تظل كركوك لم شمل الاحباب*****اريد ابدي بوصفه وحاير بنوبة
ابدي من الطوايف واحسب انساب******خيمه من المحنه تصير منصوبه
عرب واكراد اخوه الجانوا اغراب******مسيح وتركمان معاشر عذوبه
مثل عندك المعهد واحنه طلاب********كوادر بي اصاله ولمحه مهيوبه
خمس اقسام احنه وكلنه اصحاب******وعلى جدار الاخوه اسماء مكتوبه
قسم تشغيل احنه من الفخر باب ******وبس خيل الاصاله تسير بدروبه
تألف مو طبيعي وطيبه بشداد *******مثل شلال يلبس بالثلج ثوبه
تحليلات قسي من الوفا كتاب*******وصاير للخلايك بالوفه عجوبه
ميكانيك طيبه وتجمع اطياب********وشفت حتى المشاكل بيه محبوبه
وقسم الحفر جنه وظمه اعناب******خلت بالدليل اشواك متروبه
تريد عيون تسحر غازل اهداب*****تريد عهود تلكه الدنيا مكلوبه
هذوله احنه الرباعي نحمل اعتاب*****لأقسام القياس الدوم مكروبه
تعالو نصير شعله وبالسما اشهاب*****شجاكم بالتخرج صرتو جم دوبه
بعض منكم ويانه واخر اغراب*******مذهب انعزال وما حظه بتوبه
جسد واحد صفينه بلايه اسهاب******ومن بحر العواطف يغسل اذنوبه
مو معتاه عزله ولا وطن غاب******نحب احنه العراق شماله وجنوبه
اخوتي اخواتي في المنتدى اني هذه السنه الاخيره لي في الدراسه وقد عملنا حفله تخرج قام بها عميد المعهد فكتبت قصيده عن التخرج(احد الاقسام عملو حفله بوحدهم وهم قسم القياس والسيطره)فعاتبتهم_ وهم زملائي
والحفله اقيمت في محافضة كركوك النفطيه لاننا ندرس معهد النفط واختصاصي التصفيه قسمي التشغيل والسيطره والقصيده نبطيه ارجو ان تنال اعجابكم
تظل كركوك لم شمل الاحباب*****اريد ابدي بوصفه وحاير بنوبة
ابدي من الطوايف واحسب انساب******خيمه من المحنه تصير منصوبه
عرب واكراد اخوه الجانوا اغراب******مسيح وتركمان معاشر عذوبه
مثل عندك المعهد واحنه طلاب********كوادر بي اصاله ولمحه مهيوبه
خمس اقسام احنه وكلنه اصحاب******وعلى جدار الاخوه اسماء مكتوبه
قسم تشغيل احنه من الفخر باب ******وبس خيل الاصاله تسير بدروبه
تألف مو طبيعي وطيبه بشداد *******مثل شلال يلبس بالثلج ثوبه
تحليلات قسي من الوفا كتاب*******وصاير للخلايك بالوفه عجوبه
ميكانيك طيبه وتجمع اطياب********وشفت حتى المشاكل بيه محبوبه
وقسم الحفر جنه وظمه اعناب******خلت بالدليل اشواك متروبه
تريد عيون تسحر غازل اهداب*****تريد عهود تلكه الدنيا مكلوبه
هذوله احنه الرباعي نحمل اعتاب*****لأقسام القياس الدوم مكروبه
تعالو نصير شعله وبالسما اشهاب*****شجاكم بالتخرج صرتو جم دوبه
بعض منكم ويانه واخر اغراب*******مذهب انعزال وما حظه بتوبه
جسد واحد صفينه بلايه اسهاب******ومن بحر العواطف يغسل اذنوبه
مو معتاه عزله ولا وطن غاب******نحب احنه العراق شماله وجنوبه