نــــــــــداء .. إلى كـل من يحب الشيـخ ياسر الدوسري ، وإلى كل من يسجل بجهاز جـوال .

[صـــادح]

رد: نــــــــــداء .. إلى كـل من يحب الشيـخ ياسر الدوسري ، وإلى كل من يسجل بجهاز

ههههههههههه
كذا يا يزيد :wave:
كما أن المايكرو في كلا الحالتين نافع نفعا متعدياً ، ألم تسمع يا رعالك الله تسجيل اللسان للشيخ ياسر ، قارن بينك وبين تسجيله وانظر الفرق ، ردك الله إلى الصواب ، وجعلك ممن يدخلون الجنة بلا حساب ولا عذاب .
ويا جماعة ترى المايكرو حجمه صغير كبر جوال n95 مرتين :wave:​

 

[! عبودي !]

رد: نــــــــــداء .. إلى كـل من يحب الشيـخ ياسر الدوسري ، وإلى كل من يسجل بجهاز

عبودي

جهازك مشكلته انه كان بيد شخص يسيء الاستخدام :0132:

راح بـ 250 ريال ؟

​

يسيء الإستخدام :think:
عجزت أفهم هالعبارة !!
جهاز اضغط زر التسجيل الأحمر وإذا قضيت طفه وين إساءة الإستخدام في الموضوع :think:
بس ترى إذا طلعت من المسجد أحطه بالأرض و أشوته برجلي إلين أوصل البيت , و إذا وصلت البيت أغسله من التراب علشان ولد أختي الصغير إذا يبي يحطه بفمه مايحط شيء ملوث ,, وش قال ؟ قال إساءة استخدام :0132:
و ما أتوقع إني بأبيعك الجهاز لأنه أحب إلى قلبي أحط الجهاز تحت كفر سيارتي ولا أبيعك إياه بألفين كاش :sly:
​

- الحجم يا جماعة اتش زوم أكبر منه حجم .​

​

- والبطارية تجلس إلى 6 ساعات ما عندك مشكلة .
- إذا كان الشخص سيء الاستخدام فهذا شاذ والشاذ لا حكم له .
- أي جهاز يباع عن طريق الموضوع هذا فإن السعي يقسم نصفين نصف لمزامير ونصف لصاحب الموضوع :0132:.
- يبلغ أمرنا هذا للجهات المختصة :blush:.
- وراح جهازك يا عبودي بـ 250 ونصف (النصف ذا فارق السوم) . شرط مشاهدة الجهاز قبل الشراء لأن فيه واحد يقول إن الجهاز كان مع شخص سيء الاستخدام .
- سلمان ، تسجيلك جداًّ مختلف عن تسجيلاتك السابقة هذا أفضل بكثير .
​

- الحجم يا جماعة اتش زوم أكبر منه حجم .

ما دام إني حاط الجهاز بالأرض من كبر حجمه فالوضع أصبح سيان , أقتني جهاز أكبر حجم و أجود تسجيل أفضل من جهاز كبير بالحجم كذلك وأقل جودة في التسجيل ..

- والبطارية تجلس إلى 6 ساعات ما عندك مشكلة .

:think:
مادامك تتكلم عن جهاز يستمر الشحن فيه إلى 6 ساعات فأتوقع أن هذا الموضوع لا علاقة له بالمايكروتراك أبدًا ..

- إذا كان الشخص سيء الاستخدام فهذا شاذ والشاذ لا حكم له .

وضحت للأخ س ل م ا ن قضية سوء الإستخدام فلا أتوقع ان لسوء الإستخدام شأن بالموضوع غير أن يحرص صاحب التسجيل ع المكان المناسب ,
و أتمنى أن نتخلص من شواذ الكلام

- أي جهاز يباع عن طريق الموضوع هذا فإن السعي يقسم نصفين نصف لمزامير ونصف لصاحب الموضوع :0132:.

أشوى إني بايع موب شاري happy:

- وراح جهازك يا عبودي بـ 250 ونصف (النصف ذا فارق السوم) . شرط مشاهدة الجهاز قبل الشراء لأن فيه واحد يقول إن الجهاز كان مع شخص سيء الاستخدام .

صويدح الجهاز سعره بألفين ريال وشلون تبيه بـ250.5 ريال..
و إذا تبيه بشرط ماتشوف الجهاز لأن كله آثار حكوك الأرض يوم أحطه و أشوته و أنا راجع من المسجد :0132:

- سلمان ، تسجيلك جداًّ مختلف عن تسجيلاتك السابقة هذا أفضل بكثير .

لو تدري وش الجهاز اللي أستخدمه سلمان قفلت موضوعك هذا :biggrin:​

 

[صـــادح]

رد: نــــــــــداء .. إلى كـل من يحب الشيـخ ياسر الدوسري ، وإلى كل من يسجل بجهاز

والله من التنسيم يا عبودي ! :0132:
الحق إنك منسم نمرة واحد !
بس مشكلة تنسيمك به ثقل دم شوي بعض الأحيان .​

 

[صـــادح]

رد: نــــــــــداء .. إلى كـل من يحب الشيـخ ياسر الدوسري ، وإلى كل من يسجل بجهاز

شباب ترى كل الأجهزة فيهن خير وبركة ، وأحيانا تسمع تسجيل من بعض الجوالات ويعجبك ، لكن يميز المايكرو الاحترافية دوماً ، والي عنده زود قرشين يشري اتش زوم وهو مستانس بس الله يعينه على تنقيله لأنه كبير أما المايكرو فصغير الحجم وجودته عالية وشحنه يستمر إلى ست ساعات وأنا مستعد أتحدى أحد يفرق من الناس العاديين في التسجيل بين المايكرو واتش زوم ، إذا كنت مسجل بالمايك الداينامك ، فهنا الفرق قليل جداًّ قد يدركه المختص فقط .​

 

[اللسان المكي]

رد: نــــــــــداء .. إلى كـل من يحب الشيـخ ياسر الدوسري ، وإلى كل من يسجل بجهاز

بعد أن استوفى الموضوع حقه في ركن الجزيرة؛ وشاهده من الأعضاء من فيه الكفاية؛ رأت الإدارة نقله إلى ركن الهندسة الصوتية, والله يحفظكم ويرعاكم.

 

[صـــادح]

رد: نــــــــــداء .. إلى كـل من يحب الشيـخ ياسر الدوسري ، وإلى كل من يسجل بجهاز

أطلق شيء الله يجزاكم خير ، الي تشوفونه مناسب هو المناسب .​

 

[أحمد الربيعة]

رد: نــــــــــداء .. إلى كـل من يحب الشيـخ ياسر الدوسري ، وإلى كل من يسجل بجهاز

الله يبارك فيكم ..

سمعت عن هذا الجهاز لكن لم اسمع تفصيلاً كهذا من قبل ..

لكن هو يفوق الزوم اتش فور إن في الدقة ..؟

وياليت يكون هناك مقارنة بين الجهازين ..

 

[صـــادح]

رد: نــــــــــداء .. إلى كـل من يحب الشيـخ ياسر الدوسري ، وإلى كل من يسجل بجهاز

لا ، حبيبي أحمد ، اتش زوم أفضل منه ، بس حجمه كبير ، وسعره غالي ،
والحقيقة إن المايكرو قايم بالواجب وزيادة .
وش يصير لك ذا .
ادخل موقع قراء بريدة وتلقى فيه واحد اسمه محمد الربيعة وش يقرب لك ؟​

 

[سليمان الحربي]

رد: نــــــــــداء .. إلى كـل من يحب الشيـخ ياسر الدوسري ، وإلى كل من يسجل بجهاز

السلام عليكم جزكم ربي كل خير

انا حصلت الزوم وبسعر جيد ويجي معه ذكرتين الاولى بحجم واحد جيجا والثانيه وهي هديه بحجم 16 جيجا

والسعر الفين ريال لكن عرض جيد والشخص الى عنده الزوم باقي عنده 3 حبات

#######

 

[أحمد الربيعة]

رد: نــــــــــداء .. إلى كـل من يحب الشيـخ ياسر الدوسري ، وإلى كل من يسجل بجهاز

لا ، حبيبي أحمد ، اتش زوم أفضل منه ، بس حجمه كبير ، وسعره غالي ،
والحقيقة إن المايكرو قايم بالواجب وزيادة .
وش يصير لك ذا .
ادخل موقع قراء بريدة وتلقى فيه واحد اسمه محمد الربيعة وش يقرب لك ؟​

الله يبارك فيك على هالفائدة اللي قدمتها لي وجعلها بموازين حسناتك ..

وعندي سؤال ثاني جهاز Zoom H4N كم سعره بالسعودية؟ وأين يتواجد ..؟

وبالنسبة لسؤالك يصير أخوي في الإسلام ..

هو ما يقرب لي لأنه يبدو لي أنه من أهل القصيم أما أنا من أهل حريملاء ..

موفق ،،

 

[جابـــر الأحمـــد]

رد: نــــــــــداء .. إلى كـل من يحب الشيـخ ياسر الدوسري ، وإلى كل من يسجل بجهاز

تسجيل واضح لكن أحس إنه ما يعطي الصوت حقه
يعني الصوت يتغير عن الحقيقة بالرغم من وضوحة
يعني كأنه يخلي الصوت على خط واحد مع إن الصوت يمشي على خطوط أخرى
يعني كأنك حاط على الصوت فلتر إتوتيون بنسبة خفيفة
يعني إن شاء الله وصلت الفكرة​

 

[سليمان الحربي]

رد: نــــــــــداء .. إلى كـل من يحب الشيـخ ياسر الدوسري ، وإلى كل من يسجل بجهاز

السلام عليكم​

حقيقة يا اخوان من واقع تجربة في الاجهزة الصوتية​

لم اجد افضل من هذا الجهاز​

​

اسم الجهاز هو zoom h4​

من اهم المميزات اللتي اجدها في الجهاز هو انه يوجد به مايك حساس داخلي ​

بخلاف اجهزة المايكرو تراك​

كذلك سهولة الاستخدام ​

طبعا من ناحية السعر فهو اغلى من جهاز المايكرو تراك​

محبكم​

اخي بسلك هل نفس الجهز له شكل ثاني او نزل اصدر جديد او الى انت حطيت صورة اخر شي

لني اشتريت جاهز يختلف شكله لكن نفس الشركه

 

[سليمان الحربي]

رد: نــــــــــداء .. إلى كـل من يحب الشيـخ ياسر الدوسري ، وإلى كل من يسجل بجهاز

السلام عليكم
ابشركم لله الحمد اشتري الجهاز هذا

وبسعر 1800 ريال مع ضمان 6 شهور وش ريكم

لكن عندي سوال هل هذا اخر اصدر او هذا القديم لني ماعرف وين الجديد والقديم

 

[هماام]

رد: نــــــــــداء .. إلى كـل من يحب الشيـخ ياسر الدوسري ، وإلى كل من يسجل بجهاز

السلام عليكم
ابشركم لله الحمد اشتري الجهاز هذا

وبسعر 1800 ريال مع ضمان 6 شهور وش ريكم

لكن عندي سوال هل هذا اخر اصدر او هذا القديم لني ماعرف وين الجديد والقديم

حياك الله اخي العزيز


لا هذا هو الاصدار الجديد من zoom H4

واسمه zoom H4n

ولاكن حسب ما سمعت ان جودة الاصدار الاول وهو الصورة الموضحة في ردي السابق افضل منه بكثير

وهو ما اقتنيه شخصيا



شكرا لك



اخوك​

 

[ابوحمزة صلاح]

رد: نــــــــــداء .. إلى كـل من يحب الشيـخ ياسر الدوسري ، وإلى كل من يسجل بجهاز جـوال .

اخي الكريم اشكرك والذي لا يوجد معه هذا المبلغ الضخم وش يسوي ؟؟:think:​

 

[صـــادح]

رد: نــــــــــداء .. إلى كـل من يحب الشيـخ ياسر الدوسري ، وإلى كل من يسجل بجهاز جـوال .

يسجل بجواله ، والا يكفي إنه يصلي ويسمع إذا كان ما معه جوال .

 

[! عبودي !]

رد: نــــــــــداء .. إلى كـل من يحب الشيـخ ياسر الدوسري ، وإلى كل من يسجل بجهاز جـوال .

صادح وين أحصل اللي يبيعون لوازم المايكرو من مايك وخلافه بالرياض :think:
عجل بالوصف تكفى , وسم وردة :zhr:

 

[السي يزيد]

رد: نــــــــــداء .. إلى كـل من يحب الشيـخ ياسر الدوسري ، وإلى كل من يسجل بجهاز جـوال .

اكتشفت حاجه في جهازي السوني مايقدر سبعين أف مايكرو تراك يسويها

وهي اني أقدر أشغل الرداديو فيه وأسجل منه ونقاوه ولا أجمل

قايلكم جهازي ماهو بسيط

 

[صـــادح]

رد: نــــــــــداء .. إلى كـل من يحب الشيـخ ياسر الدوسري ، وإلى كل من يسجل بجهاز جـوال .

.
وآآآآآآآو ، تسيف هالموضوع الي بتلوا هالخلق يردون به ، بس مايخالف والله ردودكم تسعد مرة ، بس ما توقعت إنه يصير عليه هالإقبال ،
عاد يالله هالحين كود أمسكم واحد واحد ونناقش كل رد على حدة -وش رايكم عدا بي وأنا أقول على حدة -

الأخ في الله : أحمد الربيعة :

الله يبارك فيك على هالفائدة اللي قدمتها لي وجعلها بموازين حسناتك ..

وعندي سؤال ثاني جهاز Zoom H4N كم سعره بالسعودية؟ وأين يتواجد ..؟

وبالنسبة لسؤالك يصير أخوي في الإسلام ..

هو ما يقرب لي لأنه يبدو لي أنه من أهل القصيم أما أنا من أهل حريملاء ..

موفق ،،

أنت الي موفق :rant:
سعره فوق الألفين وحجمه كبر أربع أجهزة من المايكرو ، ويتواجد في القصيم عند عدة محلات الي تستقطب الشركات العالمية مثل محلات التقنية الي على طريق الملك عبد الله أما الرياض وجدة وغيرها مالي خبرة بس أكيد بالعليا موجود الجهاز هذا ، وسلامي على أهل حريملاء كلهم .

جابر الأحمد :

تسجيل واضح لكن أحس إنه ما يعطي الصوت حقه
يعني الصوت يتغير عن الحقيقة بالرغم من وضوحة
يعني كأنه يخلي الصوت على خط واحد مع إن الصوت يمشي على خطوط أخرى
يعني كأنك حاط على الصوت فلتر إتوتيون بنسبة خفيفة
يعني إن شاء الله وصلت الفكرة​

تحري جابر الأحمد الصباح يقرب لك ، تراو عزيز علي ..
يعني إن كانه يقرب لك فأنت بعد عزيز ،
يعني ردك ما تلاحظ إنه شكله حتى أنت ما فهمته ،
يعني المايكرو يجيب لك الصوت واضح بلا ما أدري ايش الي فوق ذولي وهذا موب شهادتي شهادة كثير من السمعية من ضمنهم أناس لهم باع طويل في هذا المنتدى .
يعني وجهة نظرك مقبولة بس الشكوى لله خطأ .
الأخوان :
سليمان الحربي و هماااام : إثراؤكم للموضوع تشكرون عليه ، ومبروك الجهاز يا سليمان والله يطعمك من خيره ويكفيك شره وبانتظار تسجيلاتك .

أبو حمزة صلاح : تم الرد عليك برد خاص .

صادح وين أحصل اللي يبيعون لوازم المايكرو من مايك وخلافه بالرياض :think:
عجل بالوصف تكفى , وسم وردة :zhr:

ألاحظ إنك أخذت علي ، أول شيء صادح كذا بدون كلمة تدل على التلطف ولا شيء :rant:

وبعدين من قال لك إني أنا بكل شيء عليم ،
أنا قصمنجي اسأل بالقصيم أعلمك وبالرياض يالله روح لأسواق الدولية الي شمال الفيصلية ودور إن لقيت حب يدك مقلوبة ،
وإن بغيت ذاكرة فروح لإكسترا ، أما إن بغيت لاقط صغير فهذا ما أعرف أحد يبيعه وأذكر واحد من الشباب عنده واحد مستعمل (لاقط) ويقول الي يبي بـ 500 فقلت له تعرف تعدهن !
أما إن أردت بطارية فما فيه ، وعاد وش بقى ،
وسم وردات :zhr::zhr::zhr:

اكتشفت حاجه في جهازي السوني مايقدر سبعين أف مايكرو تراك يسويها

وهي اني أقدر أشغل الرداديو فيه وأسجل منه ونقاوه ولا أجمل

قايلكم جهازي ماهو بسيط

ما شاء الله ، أقترح على الي معه مايكرو والا اتش زوم يبيعه ويشري سوني عشان لا بغى يسجل من الرادو يقدريسجل happy:

 

[جابـــر الأحمـــد]

رد: نــــــــــداء .. إلى كـل من يحب الشيـخ ياسر الدوسري ، وإلى كل من يسجل بجهاز جـوال .

أنا حبيت أدقق كثير بالجهاز وتسجيله وصفائه ونقاوته
وأغير نمط تعليقات الشباب من راااائع وممتاز ورهيب وصافي ومراعي و...إلخ إلى الدخول في قاع البحر
يعني إذا ما يقرب لي ما أصير عزيز...
أنا ( جابر الأحمد العباسي ) وهو ( جابر الأحمد الصباح )

.......كيف خطأ......؟؟؟؟