كل عام وانتم بخير وسعاده وايمان وامن وسلام

[محمد شوماان]

السلام عليكم ورحمه الله
اسمحو لى اتكلم بلغه عاديه يا احبابى مش لغه فصحى
كل سنه وانتو طيبين ... شهر رمضان ع الابواب ...ربنا يبلغنا رمضان ونكون فيه من الموفقين للخير

انا ادعو كل عضو كريم يحتفظ بتلاوات قرانيه لكبار القراء زى الشيخ عبد الباسط والمنشاوى والبنا والبهتيمى والشعشاعى ومصطفى اسماعيل والزامل وحصان ...... وغيرهم عشان منساش حد انو ما يحرمناش منها ف الشهر الكريم دا ...لان شهر رمضان مناسبه جميله وعشان خاطرو ان شاء الله نفرح الاعضاء اللى بيحبو سماع القران باصوات جميله ونرفع لهم النوادر اللى عندنا وهناخد حسنات وثواب عظيم ان شاء الله...وربنا يجزى كل عضو خير رفع لنا تلاوات او يستعد انو يرفع لنا فى رمضان ان شاء الله لان التلاوات دى تراث لازم ننشرو عشان ميضعش مننا او الشريط اللى عليه التلاوه يبوظ او يضيع ..فلما تكون التلاوة عند اكتر من واحد يكون افضل

وانا بدعو كمان كل عضو كريم رفع لنا تلاوات نادره من مده طويله زى خمس سنين ولا حاجه او وقت لما المنتدى فتح ومرفعهاش تانى انو يعيد رفعها وينبه الاعضاء ان التلاوة دى اترفعت قبل كده وان رابطها انتهى عشان اللى فاتتو التلاوه يلاقى امل انو يحملها ف يوم من الايام

دى دعوه متواضعه منى لحضراتكم ...لانى بصراحه انا شايف ان المنتديات القرانيه بقالها فتره كده فى خمول وكسل حتى للاسف محدش بيرد على موضوعات.لكن يمكن يكون السبب ان الفتره اللى فاتت كانت امتحانات وكده .لكن ع العموم يكون عندنا حيويه ونشاط فى رمضان ان شاء الله..

وانا ان شاء الله اول واحد هيلبى الدعوه وهرفع تلاوات جميله جدا للشيخ عبد الباسط والشيخ البنا والشيخ البهتيمى والشيخ حمدى الزامل .حجات جميله بجدومش موجوده ع النت قبل كده

انا اسف طولت عليكم لكن الموضوع محتاج تفاعل ونشاط اكتر من كده
عشان نسمع قران وندعيلكم
وف الاول والاخر نحمد ربنا انو جمعنا ع الطاعه

شكرا جزيلا لحضراتكو

ومنتظر حماسكو للموضوع وتعليقاتكو الجميله

بارك الله فيكم

سلامو عليكو

​

 

[د أحمد حسن]

رد: كل عام وانتم بخير وسعاده وايمان وامن وسلام

جزاك الله خيرا اتمنى من الجميع المشاركة
وبالنسبة لموضوع الكسل فى المنتديات سببه ليس الامتحانات ولكن السبب هو ان الفيس بوك استحوز على وقت الكثير وطغى على المنتديات

 

[وليد زكي @]

رد: كل عام وانتم بخير وسعاده وايمان وامن وسلام

[blink]

وعليكم السلام ورحمة الله وبركاته
[/blink]​

كا عام وحضرتك وجميع الاعضاء وجميع الامة الاسلامية
بخير وسعادة
أخي العزيز مجمد شومان
:zhr:​

 

[*رضا*]

رد: كل عام وانتم بخير وسعاده وايمان وامن وسلام

وعليكــــــــــم الســــــــــلام ورحمــة الله وبركـاتـــــــه
حيّاك الله أخي محمد وشكرا لك على هذا الاقتراح والأفكار الجميلة وبإذن الله يد بيد سنجعل الركن شعلة من شعلات المنتدى ونتمنى ممن يستطيع أن يسجل لنا تلاوات الفجر والأمسيات الدينية والتلاوات الخارجية التي تذاع قبل آذان المغرب أن يرفعها لنا مشكورا وكل عام والجميع بخير وإلى الله أقرب إن شاء الله..

 

[محمد شوماان]

رد: كل عام وانتم بخير وسعاده وايمان وامن وسلام

بارك الله فيكم ورمضان كريم ان شاء الله....وشكرا فعلا على مشاركتو .....نورتونى بكلماتكم الجميله