الموت، الأهل، التابوت، الكفن، القبر، الكوابيس، أسرار

[عــادل]

قمت من النوم فجأة
بعيني ضو غريب وقوي جدا
أستغربت الضو من وين جاي
واندهشت لما لقيت الساعه 3 صباحا
وأنه لمبة الغرفة مطفية
طيب الضو كله من وين جاي
وارتعبت لما لقيت نص ايدي جوات الحيط
شديتها بسرعه
خرجت
وانا بطلع عليها بكل اندهاش
رجعتا مرة ثانية لقيتها دخلت جوات الحيط
استغربت من اللي عم يصير
وسمعت صوت ضحك
دورت عمصدر الصوت
لقيت أخي نايم جمبي
ولقيته عم يحلم
عم يحلم انه راكب سيارة احدث موديل
وانه رايح حفلة كبيره
لناس اغنياء
وانه لابس اغلى واشيك لبس
مشان يكون احلى واحد فى الحفلة
وكان عم يضحك
وفرحان
ابتسمت(بس انا عرفت بشو عم يحلم ، طيب كيف عرفت!!!!)
بعدين ارتعبت من اللى عم يصير
وقمت من على السرير
ورحت على غرفة امي وابي
قعدت اصحى امي واطبطب عليها
وانديها بس هى ما عم ترد
قعدت انديها كتير واطبطب كتير
ولقيتها فجأه قامت
كانت مرعوبة
وهم تتطلع يمين وشمال
قولتلها يا ماما انت مو شايفيتني
ما ردت علي
ولا شافتني
قعدت انادى
ماما
ماما
كانت حاطة ايدها على قلبها
وبتقول بسم الله الرحمن الرحيم
لقيتها بتطبطب على بابا وبتصحيه
ولما قام
قالت له قوم نطمن على الاولاد
قالها هلق وقتك ووقت ولادك
قالتله معليش قلبي مو مطمن
في شي غريب
وانا واقف مستغرب
قعدت اقولها يا ماما
انا هون
انت مو شايفتيني
ياماما
قامت ومشيت
حاولت امسك اواعيها لكن اواعيها ما عم تنمسك
جربت وقفت قدمها
مرت من خلالي
مالقيت غير انى امشي وراها
وبابا كان خلفي
ما حاولت اناديله
مشان ما يتجاهلني
وفاتت امى عالغرفة وشغلت الضو
ما كان عندى
فرق لأن الدنيا كانت مضواية اصلا
انفزعت لما لقيت حالي نايم على التخت
وقعدت أتفرج على جسمي وايدى وانا مستغرب
أنا كيف صرت اثنين
انا مين
ومين اللى نايم على السرير إذا ما كنت أنا
وقطع استغرابي
جملة بابا "استريحتى يا ستى هاي ولادنا نايمين "
لكن هي قالتله معليش
انا بدي أطمن على محمد
ولقيتهى بتقرب مني
قصدى من الشخص اللى نايم مكانى
وبتطبطب عليه
كانت بتقوله يامحمد
بس هو ما عم يرد
وكانت بتطبط بشوي شوي
وبدأت تهزه هزات قوية
ركضت لعندا
وقلتلها يا ماما انا اهون
ردي علي
لكن صوتا كا بيزيد خوف وعم يعلى
كانت بتنادي
محمد
محمد
وفجأة صرخت ولقيت الصرخة بتوجعنى
كانها بتضربنى
بكيت
وقلتلها لا تصرخي لا تبكي
وهى بتقول محمد
وبابا جري علي وحط ايده على وشى وصرخ وبكى
وحسيت بالوجع تانى
محمد ما عم يرد
والبكاء عم يزيد وانا مو عرفان شو بدي اعمل
صحي اخي على الصوت وهو عم يسأل شو في ماما شو في بابا
ماما صرخت
اخوك مات يا
احمد
مات
وانا عم قلها وأنا عم ابكي لا والله ما متت
ياماما
انا هون شوفيني شوفينى
انتي مو سمعانيتني
لكن ما في امل
تفرجت عالسما وقلت ياربي شو اللي عم يصير
بس ما لقيت سقف
وشفت ناس
ولما شوفتهن
مشيوا
وحسيت بطعنه غريبه
وشي عميقطعنى تفرجت لأخي أحمد لقيته عميصرخ
قلتله اسكت انت عمتعذبني
لكنه كان بيزيد أكثر وأكثر
وماما عمتبكي بحضن بابا
والنحيب عميزيد
وقفت قدامهم عاجز
ومذهول
رفعت راسي مرة ثانية
وقلت يارب
ايه شو اللي عم يصير
شو في شو صااااااااااار
وسمعت صوت من حولي
كان جاي من بعيد
ركزت معه
لقيته بيعلا
وبيزيد
كأنه قرآن
أيوا قرآن
والصوت بدأ يقوى
يقوى قوي
هزنى من شدته
كان بيقول
لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ غِطَاءكَ فَبَصَرُكَ الْيَوْمَ حَدِيدٌ
وفى ذهول الصوت
لقيت ايدين عمتنطبق علي
اثنين شكلهن مش من البشر
عميقوليلى تعال
قلتاهن انتو مين
شو بدكن
شدونى
صرخت
اتركوني
لا تاخذوني من بابا وماما
اهلى فكروني متت
قالولى ما انت متت فعلا
>>>قلتلهن كيف
ماانا عم شوف وبحكي وبحس وكل شي تمام
ابتسموا وقالوا
عجيب امرك يا بشر كلكن مفكرين أنه الموت نهاية الحياة
وما بتعرفوا انه حياتكن موت
وحلم طويل رح تصحو منه على هاليوم يوم الموت
وعلى هالعالم عالم الموت
سألتهن انا وين وأنتو وين ماخذيني
قالولي احنا حراسك لحد القبر
ارتعبت
قبر شو يا جماعة
انتوا رح تفوتوني عالقبر
ردو
كل انسان لازم يدخل القبر
بس انا عمرى ما دخلت القبر
قالولي بس هالشي مكتوب على كل البشر
طول عمرى كنت بكره هالكلمة
ما بحب اسمعها بستعيذ بالله منها بحاول انساها
ما كنت أقدر أتخيل حالي بهالمكان الصعب
سألتهن بخوف
رح تتركوني
قالولي مع عملك
طيب وعملى منيح
سكتوا
ولقيت واحد عم يصرخ وبيبكي وواحد تانى سعيد ومبسوووووط
وكل واحد فيهن واقف معاه اتنين نفس اللي معي
سألتهن ليش هالرجال عم يبكي
قالوا
الأول عرفان حاله
طول عمرة كان من اهل الضلال
قلت
يعنى
رح يروح عالنار
واللي بعم يصحك رح يفوت الجنة
طيب انا
وين رايح
قالولي
ردوا عليا
هما كانو عارفين هما ايه فى الدنيا
ودلوقتى عارفين هما فين فى الاخره
وانت عشت طول عمرك
ضايع
متردد
شوي بتمشي صح وشويه بتمشي غلط
شويه تتوب وترجع تعصي مرة ثانية
ما كنت واضح
ورح تضل هلق ضايع نفس الشي ومو عرفان شي
ارتعبت وقلت
شو
شو يعني كلامكن
انا رايح عالنار
قالولى رحمة ربنا واسعه
وبعد الرحلة طويلة
تفرجت ولقيت وراي عمي
وابي واخي
ماشين وراهن امي واهلي
عميبكوا
شايلين صندوق
ركضت لعندن
ناديت
ما حدا رد
ناديت على امى
قلتلها يا امى لا تبكي
ادعيلى
ناديت على بابا
قلته يا بابا
دير بالك على ماما
ناديت على احمد
قلت له يا احمد دير بالك على حالك واترك الدنيا ومعاصيها
الدنيا رخيصة كثير
ما رح تفيدك
ناديتهن كلهن
بس كانو مشغولين بالبكاء
وما حدا رد علي
ما كنت بتمنى بهاللحظة إلا أنهن يسمعوني
وشدنىا لملكين
ونزلونى عالقبر
ونيمونى فوق الجسد
مشان شوف بابا وهو عم يرمي التراب علي
ومشان شوفهن وهن عم يودعوني
وخوفى عليهن
انهن مش حاسين باللى انا حاسه
كنت ببكى وهن عم يبكوا
كنت خايف عليهن من الدنيا كثير
واتمنى لو صرخ ولو يسمعونى
وطلعوا كلهن
وقفلوا الباب
والنور تحول لسواد
((اعمل للدنيا بقدر بقائك فيها
واعمل للآخرة بقدر بقائك فيها
واعمل لله بقدر حاجتك اليه
واعمل من المعاصي بقدر ما تطيق من العقوبة
ولا تسأل الا من لا يحتاج الى أحد
واذا أردت أن تعصي الله ..فاعصه..في مكان لا يراك فيه

فجأة لقيت ماما عم تصحيني وعم تقلي ولك قوم أتأخرت عالامتحان ،، عالسريع صارت الساعة سبعة ونص ،،
غسلت ولبست ووصلت والمراقب عم يوزع الأوراق دخلت وقدمت الفحص ،، وبس خلصت حمدت الله إني بعدني عايش ،، وقررت أتوب توبة نصوحة ،، وأستغفرت ربي ،، أستغفر الله الذي لا إله إلا هو الحي القيوم وأتوب إليه

 

[تقي الدين الهلالي]

رد: الموت، الأهل، التابوت، الكفن، القبر، الكوابيس، أسرار

(بسم الل)

السلام عليكم ورحمة الله أخي عادل أهلا بك في هذا المنتدى المبارك

وعندي ملاحظة على الموضوع
من حيث لغته فجل المواضيع تكتب باللغة العربية لكي يتسنى لجميع الأعضاء استيعابها
ومن تم التفاعل معها

 

[*رضا*]

رد: الموت، الأهل، التابوت، الكفن، القبر، الكوابيس، أسرار

أهلا وسهلا ومرحبا بك أخي الكريم عــادل وبارك الله فيك على هذا الطرح الطيّب
حاول فقط أخي فالمستقبل أن تكتب باللغة العربية كما سبق وكتب أخي تقي الدين

 

[عبد الكريم]

رد: الموت، الأهل، التابوت، الكفن، القبر، الكوابيس، أسرار

السلام عليكم ورحمة الله

مرحبا بك أخي الكريم عادل وبارك الله فيك على هذا الطرح الطيّب