اخى الحبيب ابو ابراهيم
بالنسبة لمسألة ازالة الهواء من التسجيل عندك فلتر لازالة النويز من المادة الصوتية فى البرنامج وستجد شرح ذلك فى اسطوانة الدورة عن طريق فلتر نويز ريديكشن وتفعل كالاتى ( وعذرا لان الكتابة ستكون بالعربى فانا لااحسن غيرها ولكن ساوضح لك الامر قدر المستطاع وان شاء الله تفلح ):biggrin:
اول شئ تحدد بالماوس قطعة صغيرة من الهواء من اى مكان فاضى فى المادة الصوتية يعنى مفهوش قراءة وبعدين تضغط عليه كليك يمين هاتظهرلك قايمة فيها خيارات اختار خيار اسمة كبتر نويز ريديكشن ومن الاخر هو خامس خيار عشان متتعبش نفسك اضغط عليه تمام كده ...:no:
وبعدين قدامك حلين اما انك تطلع فوق خالص على الخيارات اللى فى صفحة البرنامج من فوق وتدوس على افكت وتجيب خيار اسمه ريستريشن وهو التاسع فى القايمة
هاتطلعلك قايمة تانية ( فيلم ياعم الحج طويل وعريض) المهم تختار الخيار قبل الاخير هاتظهرلك نافذة ( مش بقلك فيلم طويل عريض) دوس على مربع مكتوب فيه سيليكت انتر فايل وبعد كده مربع فيه بريفيو واسمع وغير انت بقة من السهم اللى جمبه ارقام لغاية اقصى حاجة تعجبك وبعد كده دوس اوكى بس متحفش اوى عشان الصوت ميبظش
وفى لو انت مفعل كل الافكت عندك صورة للفلتر جمبها فلتر علامته sss هات اللى جمبها من على اليمين على طول وده الخيار التانى والاسهل وهاتظهرلك النافذة بتاعة الفلتر واتعامل انت بقة
طبعا انت كرهت نفسك ولو انا قدامك دلوقت هاتقتلنى معلش انا مسامحك بس انا مبعرفش انزل صور لو كنت اعرف كنت خلصت المشكلة وده حل المشكلة الاولى ومتخفش انا معرفش احل المشكلة التانية يعنى كفاية عليك كده اوى من الاخر :biggrin:
خلاص ياعم متزعلشادخل على الرابط ده وانت تخلص منى وتحل مشكلتك ( الاولى بس)
والرابط ده هايفيدك
والرابط ده فيه الخلاصة
شوف بقة الخلاصة الصح من الملك بتاعنا ملك العود ولا تقولى الرشيدى ولا بتاع (ياراجل بلاش وجع دماغ....)
انا كنت امزح معاك لكن الروابط فيها الحل ان شاء الله موفق اخى الكريم
واى مساعدة انا.......................................ولا بلاش
احبك فى الله
ادخل على الرابط ده وانت تخلص منى وتحل مشكلتك
: