رد: انتظروا أقوى تلاوة للشيخ عنتر نزلت عالنت
الى اصحاب الردود الأخيرة من الواضح انها حملة على الشيخ لم يرد بها وجه الله تعالى ومن المبالغة في الكذب والتدليس القول ان جميع اشرطة الشيخ غير سليمة ( يعني الأزهر الذي فسح عشرات الأشرطة للشيخ ما يفهم وحضراتهم اللي فاهمين) وبالنسبة لقراءة الحفلات والمناسبات فليس الشيخ هو الوحيد الذي يختلس النفس او يجمع القراءات وهذا ليس اقرار مني فاغلب القراء يفعلون ذالك الا ان الشيخ فاقهم اداء وجمالا
نعم يااستاذ مش عاجبك الرد ليه؟
ايه الغلط مش واضح؟
وبعدين خلينا نتكلم بصراحة اين صوته اخى الفاضل ؟ هل صوته اجمل من القراء الكبار؟ طبعا لا لاااااااااااااااااااااااااااااااااااااا
واين اداؤه اخى الفاضل ؟ طبعا واضح ان كله تعسف وتنفس فى القراءة وبعدين مش تجمع وتقول كله بيعمل كده انت سمعت الشيوخ رفعت او عبد الباسط او شعيشع او البنا او او فى ماتم عمر مافى واحد منهم تنفس ولو مرة واحدة وبعدين مش معنى ان واحد من القراء الجدد ولو كلهم حتى عملوها تبقى حلال واستدل بها على قارئ الم تعلم انها حرااااااااااااااام وتخل بقواعد التجويد؟
وبعدين احنا عاملين حملة على عبد الباسط؟ دا عنتر مسلم انتم صدقتم انه قارئ اما حاجة عجيبة يااخى بالله العظيم انه لاسوا من قرا القرءان فى العالم وفى التاريخ كمان يااخى اقسم بالله انه لايقارن بالجيل الحديث من القراء لا الليثى ولا السيد متولى ولا الطنطاوى ولا الشحات انور اووووو يعنى عيب عليكم تلقبوه بكلمة شيخ هذا الرجل الشاذ فى قرائته اللى كان بيتعسف فى القراءة وبيحزق وهو بينطق حرف الهاء انتم مش ملاحظين اما اذا كنتم بتسمعوا وبيعجبكم الكلام ده فيبقى ده قصر فى السمع
وءاخر حاجة وياريييييييت ترد عليها انت بتقول ان اشرطته كلها مش محذوفة يعنى فى اللى اتحذف وفى اللى موجود صح؟ طب ايه سبب حذف الاشرطته الباقية؟ وبعدين احنا لما بنلاقى تسجيل لقرائنا الكبار بنسمعه من غير مانعرضه على اى حد لان مافيش واحد فيهم نطق حرف واحد خطا مش تقول عنزر وعنتر
اتقوا الله ياجماعة وبلاش مجاملة ده قرءان والله انكم لمحاسبون وياريت الناس تاخذ موقف من اللى بينشر التلاوات دى على الانترنت نفترض فى اطفال صغار موجودين بيسمعوا يتعلموا ايه؟
بالله عليكم كل واحد يسمع ءاية للشيخ عبد الباسط او الشيخ المنشاوى او البهتيمى او اى واحد من الكبار او الليتى او الطنطاوى وبعد كده يسمع ءاية لللى اسمه عنتر مسلم ده ويشوف الفرق
والله واضحة للاعمى وللاصم والابكم كمان دى حاجة مش عايزة نقاش
واذكركم ان هذا قرءان واتقوا الله واتقوا الله ياجماعة فى كتاب الله ولاتساعدو على نشرة بهذه الصورة والطريقة والقراءة القذرة دى والعياذ بالله
بالله عليكم اسمعوا عنتر مسلم تانى وتاكدوا من كلامى وشوفوا الاستهبال والتنفس واستغلال الناس وللعلم صوته ردئ وليس عنده شئ من جمال الصوت
واتقوا الله
اخوكم السيد عباس مصطفى من ابو كبير شرقية