(بسم الل)
السلام عليكم ورحمة الله وبركااااااته ..
كيفكم ياأخواني وأخواتي إن شاء الله بخير.. أنا راح أقولكم على المواقف اللي حصلتلي... طبعا أنا هالمرة راح أتكلم بالعاميه ..
أول موقف::
بعد ماأنتهيت من العمرة خرجت من الحرم وكنت رايحة السيارة وكان في الساحة الخارجية للحرم درج ولابد إني أنزل منه عشان أروح للسيارة وأنا نازله حسيت إني عِلقت في الدرج والطيييييييييييحة راح تصيرلي وكانت جنبي أختي وتمسكت فيها على أساس إنها المنقذة وراح تساعدني.. وماأشوف نفسي إلاّ وأنا طااايحة على رجولي وجنبي أختي طاااايحة ..الله لايوريكم عاد هي قامت ونفّضت عبايتها من الغبرة ورااااحت عني ((عشان الفشيلة )) وأنا اااااه من الفشلة وعاد الناس سلاماااااات ياأختي ماتشوفين شر ولمن صلحت نفسي وقمت على حييييلي رحت عند أختي وأخذت منها تهزيئه وكانت تقولي يعني لازم أطيح معاكي ولازم يكون في مشاركة وجدانيه وأنا بصراحة جلست أضحك عليها وقلتلها تستااااهلي طايحة معايا ليييييييش ؟؟
الموقف الثاني ::
لمن كنا رايحين نتمشى في أحد المنتزهات وصلنا للمنتزه ... وطبعا أنا ماعندي خبرة للسيااارات بس راح أحاول أوصف السيارة اللي كنت فيها أكيد لها مقاعد ولها أبواب بس المقعد الأخيير ماله باب وعشان أنزل من هالمقعد لابد نحرك المقعد اللي قبلة عشان أقدر أخرج (( إن شاء الله عرفتوها)).. طبعا بعد ماوصلنا نزلوا من السيارة ومن سوء الحظ كانت أختي هي اخر من نزلت وكنت أنا لحالي في المقعد الخلفي وأقولها يلا حركي المقعد عشاااااان أنزل وهي تقول ماأعرف يلا دبري حالك وأنزلي وطبعا مافيها تدبيرة غير إني أنط على المقعد اللي قدامي وهااااذي من سابع المستحيلااااات وأنا أترجى فيها وأقولها حاااااولي مستحييل إني أنط وهي تقول والله ماأعرف يلاااا مع السلامة وتصك الباب وترووح (( قمة النذاااااالة..هي فعلا ماتعرف بس لازم تحاول موصعب لهذي الدرجة )).. وأخيييييييييرا لمن نزلت أنا من السيارة رحت أخاصم أختي وأقولها اللي مايعرف النذاااله يروح يتعلم منكي ..وطبعا أنا بعد كذا تعلمت كيف أفتح المقعد اللي قدامي لمن أكون في اخر مقعد عشان أكون في قمة إستعدادي لحركااااااات النذالة ..
الموقف الثالث ::
لمن كنت في الجامعة كان عندي محاضرة وتخيلووا الدكتورة بتشرح الدرس والقاااعة هااااااادئة وما نسمع إلاّ صوت وحدة من الطالبات كانت تعبااانه وطاحت من على الكرسي من شدة تعبها ((البنات على بالهم جاها شئ أومااتت )) طبعا البنات ماقصروا صراااخ والكراسي ياسلام على أصواتها والباب أنفتح على مِصراااعيه والبناات يجروووا يبغون الشردة ((بصراحة إذا كانت تحتضر يمديها ماتت على طوووول من أصواتهم )) مسكينه والله الدكتورة فجعوها البنات بأصواتهم وصراخهم ويمكن هي ثانيه وحدة شردت من القاااعة وكانت تبكي وتقول ((إيه داه إييييه اللي بيعملوه البنات داه )) وطبعا القاعااات اللي جبنا أنفتحت و مستغربييين على الصياااح ..أما أنا بصراحة أنفجعت بس ماصرخت زيهم وكنت أشوف مين هاذي البنت اللي طااحت لاتكون وحدة من صحباتي وأنا ماأدري<<.مسويه فيها فزعة هههههه... وصحبات البنت والله ماقصروا صاروا يقرأو عليها القران ويغسلوا وجهها بالمويه وبعدين دخلت الدكتورة القاعة وأخذت أوراقها وراااااااحت . مسكينه من الفجعة ..
وبـــــــــــس هاذا اللي أنا مفتكرته .. يلا مشاركتكم ومواقفكم ياجمااااعة خلونا نفرفش شويا :thumbsup: ..
وصلى اللهم وسلم وبارك على سيدنا محمد وعلى اله وصحبه أجمييييييين ..
