زجل جميل جدا لا يفوتكم

[امة الرحمن 80]

السلام عليكم ورحمة الله وبركاته

زجل جميل ا.مصطفى حسني قاله في الحلقة....​

الزجل بالكامل......​

​

​

​

ياما طلع منا تصرفات وسلوكيات غلط​

​

​

أخلاق مترضييش ربنا وكلام زي الزلط​

وكل ما نيجي نصلح سلوك يرجع ويتكرر ​

قلنا لازم نعمل وقفة ومن عيوبنا نتحرر ​

فكرنا لقينا السلوك دايما بيتولد ​

لما المفهوم بيترسخ في العقل ويتوجد ​

والمفهوم ده كان أصله فكرة جنب فكرة ​

مع موقف حصل لي واتسجل كأنه ذكرى​

وعندنا مشكلة بتحصل اسمها التعميم​

موقف حصل لي مرة فقلت الدنيا كلها كده ...واتكونت المفاهيم ​

وركز معايا في الكلام اللي بيتقال​

واساعدك يا صاحبي ...هضرب لك كام مثال ​

ناس كثير واخدة فكرة وحشة عن الدين ​

واقتنعوا بالفكرة لما شافوا بعض المتدينين وحشين ​

قالوا فين المسلمين الصح؟! وفين راحوا الصالحين؟! ​

واخد بالك يا صاحبي من مشكلة التعميم؟ ​

كله زي كله وبكده تتكون المفاهيم ​

واحد تاني فاكر انه شخص تعيس​

فشل مرة في حياته واستسلم لأفكار إبليس​

والتاني قاعد على القهوة بيغني بيقول "يا بطالة" ​

فاهم ان البلد نايمة مع ان في ناس كتير شغالة!!​

وواحد يائس وحزين ومحدش عارف يكلمه ​

أصل ذنوبه كثير، كان فاهم ان ربه مش هيرحمه
بصيت في ديننا لقيت الموضوع ده قديم ​

حتى إبليس كان عارفه وبقى يشتغل على المفاهيم!! ​

وقال لربنا هزين لهم الدنيا ولأغونيهم أجمعين ​

وحخلي الصح غلط، والغلط صح عشان يبقوا متلخبطين ​

فجِه سيدك النبي وفهمنا معنى الدين ​

ورتب للناس عقولها بعد ما ضاعت سنين​

سيدك مُحمد فهمك لو عايز تبقى في القيامة جنبه​

عامل أخوك بحنية وأوعى تجرح له قلبه ​

خلاني أفكر في الناس اللي حواليا ​

وأفهم ان ديني حقوق ليا وحقوق عليا ​

فاكرين دعوة صاحبه الصدّيق​

اللي كان بيمشي معاه في كل طريق؟​

يا رب وريني الحق حق وخليني أمشي عليه ​

ووريني الباطل باطل ولو كل الناس نصحوني بيه
يا صاحبي الموضوع كله في تظبيط العقول ​

اعرض مفاهيمك على كلام ربك وطريق الرسول​

واحرس عقلك يا صاحبي وخد بالك منه ​

لأنك بكره هتقابل ربك ويسألك عنه​

لا اله الا الله ​

​

​

 

[كحيلان الوايلي]

رد: زجل جميل جدا لا يفوتكم

يا رب وريني الحق حق وخليني أمشي عليه ​

ووريني الباطل باطل ولو كل الناس نصحوني بيه
​

جزاكي الله خيراااااااااااا​

 

[فهد العويد]

رد: زجل جميل جدا لا يفوتكم

ههههههههههههههه

الله جميلة

 

[تواصيف]

رد: زجل جميل جدا لا يفوتكم

جميله
اللهم ثبتناا ع دينك

 

[مصطفى راضى]

رد: زجل جميل جدا لا يفوتكم

جميل
بارك الله فيك وفى الأستاذ

 

[الموجودة]

رد: زجل جميل جدا لا يفوتكم

زجل جميل فعلا اختي الحبيبة امة الرحمن
وكلمات ذات مغزى ومحتوى متميز
بارك الله فيك دائما مبدعة
وجزى الله الداعية مصطفى حسني على زجله وكلماته الرائعة والمفيدة خيرا
حفظك ربي ورعاك
​

 

[الملكة الحزينة]

رد: زجل جميل جدا لا يفوتكم

السلام عليكم روحمـــة الله
وفقك الله أختي الحبيبـــة كلمات جميلة ولها فائدتها
,,,,,,,,,سلمتي وسلم قلمك
وفقك الله ورعاك

 

[ابنةُ اليمِّ]

رد: زجل جميل جدا لا يفوتكم

مصطفى حسنى مقدم برامج دينية موجّهة للشباب

جزاك الله خيرا أختى أمة الرحمن
على هذا النقل الطيب