- 29 يناير 2009
- 1,035
- 1
- 0
السلام عليكم ورحمة الله وبركاته
ضيافتي لكم بعد غياب طويل معنويا --وقصير جد بعدد الايام (شهرين ونصف فقط ولكن كانها عندي سنتين ) اشتقت لكم يااخواني ودائما اسال الله لي ولكم ان يجمعنا في جنات النعيم امين--واعتذر لكم عن هذا الغياب فتفضلو ا عندي حياكم الله واقبلو هذي الضيافه مني في بلادي وهي
منطقة العارض أحد أهم المعالم الجغرافية في السعوديه وهي قلب إقليم اليمامةالتاريخي وإقليم نجد. وهو قمة جبل طويق الذي يمتد من القصيم شمالا الى وادي الدواسر جنوبا --- وفيها معظم حواضر منطقة نجد ونطلق على منطقةالعارض التي تشمل مدينة الرياض ومنفوحه والدرعية وعرقه و ضرماء والمزاحميه والعيينة وهو ربما أقدم المواطن المعمورة في نجد
وحاضرة بلاد العارض وزهرة المدائن كلها هي بلادي وعشقي الرياض (الله يحفظها ويعز ساكنها بطاعته ويعمر أرجائها وأحيائها بذكره عزوجل.....
والحين تفضلو على ((عشاء عارضي نجدي)) صميم صور من حفله في منزلي
اقمتها الى اهلى واحبابي وجمعتهم على عشاء اردت منه توثيق عادتنا وتقاليدنا الجميله
حياكم الله شاركونا
في البدايه يمرحبا
هذي تسمى (صفحه) وهي اناء خشبي يوضع فيه العشاء (الان اصبح الرز قبل 60 سنه تقريباكان العشاء عباره عن قرصان ويجمل بشرائح من القرع العارضي الاخضر وعلوب الحبحر (تسمية الفلفل الحار عندنا) وان شاء الله اعملكم في يوم عشاء قرصان
القرصان
عشق اهل الرياض والدرعيه ووجبتهم المفضله وهي عباره عن خبز اسمررقيق يابس يهشم ويسقى بمرق الخضار واللحم
والحرمه السنعه عندنا هي التي تجيد حوف القرصان
معاني الكلمات: حرمه سنعه اي امراة ممتازه -----حوف اي تجيد الطبخ)واهم مايميز قرصان اهل الدرعيه هو كثرة البصل واهل الرياض يحبون الذرورالحار(البهارات التي ترش عليه مثل اللومي الاسود والفلفل الاسود المطحون ) والذوب (اي الزيده السائحه) ترش عليه مع البصل
]
الجريش
وهو عصيده بيضاء من حب القمح المجروش قليلا وتطبخ بمرق اللحم والبصل واللبن الحامض وترش بالزبده
واهل الرياض بالذات يجملون الجريش بالزبده الذوب وعلوبالحبحر الحمر فقط -وبلاد العارض الاخرى يجملون بالبصل المحموس وهنا جمعت الطريقتين-
]
.
وفي الصوره في الاسفل
شوربة الجريش ويوجد لدينا شوربه اخرى تسمى صلوله
عباره عن طحين بر مذاب في مرقة اللحم
ايدم القرع ويسمى ايدام البوبر
]
وعند اهلي اهل الرياض عادات في الاكل ياناس ياحبي لهم ماهيب عند غيرهم
(ياناس مافيهم كبرولازود)
كل هذا الاكل من بكره ما بقى منه شي تقاسمنا البقيه كلهاوكلن خذا معه للبيت شوي
نعشق ونحب الغبيب (ماتبقى من الاكل ويؤكل من بكره وخصوصا --غبيب القرصان --ياسلام عليه ) وسخر الله لنا ها الثلاجات والافران الحديثه بعد والحمد الله
لاولعلمكم احب اكله عندنا (القراره )وهي ما يتبقى في قدر الطبخ ويلصق في قدر الطبخ )وخاصة قرارة قدر الجريش
الشاطر اللي يحك قدر الجريش ويأكل منه............
..
هذا وصلو على صفوة الباري ورحمته وخير خلق الله من عرب ومن نسمي
ضيافتي لكم بعد غياب طويل معنويا --وقصير جد بعدد الايام (شهرين ونصف فقط ولكن كانها عندي سنتين ) اشتقت لكم يااخواني ودائما اسال الله لي ولكم ان يجمعنا في جنات النعيم امين--واعتذر لكم عن هذا الغياب فتفضلو ا عندي حياكم الله واقبلو هذي الضيافه مني في بلادي وهي
منطقة العارض أحد أهم المعالم الجغرافية في السعوديه وهي قلب إقليم اليمامةالتاريخي وإقليم نجد. وهو قمة جبل طويق الذي يمتد من القصيم شمالا الى وادي الدواسر جنوبا --- وفيها معظم حواضر منطقة نجد ونطلق على منطقةالعارض التي تشمل مدينة الرياض ومنفوحه والدرعية وعرقه و ضرماء والمزاحميه والعيينة وهو ربما أقدم المواطن المعمورة في نجد
وحاضرة بلاد العارض وزهرة المدائن كلها هي بلادي وعشقي الرياض (الله يحفظها ويعز ساكنها بطاعته ويعمر أرجائها وأحيائها بذكره عزوجل.....
والحين تفضلو على ((عشاء عارضي نجدي)) صميم صور من حفله في منزلي
اقمتها الى اهلى واحبابي وجمعتهم على عشاء اردت منه توثيق عادتنا وتقاليدنا الجميله
حياكم الله شاركونا
في البدايه يمرحبا
هذي تسمى (صفحه) وهي اناء خشبي يوضع فيه العشاء (الان اصبح الرز قبل 60 سنه تقريباكان العشاء عباره عن قرصان ويجمل بشرائح من القرع العارضي الاخضر وعلوب الحبحر (تسمية الفلفل الحار عندنا) وان شاء الله اعملكم في يوم عشاء قرصان
القرصان
عشق اهل الرياض والدرعيه ووجبتهم المفضله وهي عباره عن خبز اسمررقيق يابس يهشم ويسقى بمرق الخضار واللحم
والحرمه السنعه عندنا هي التي تجيد حوف القرصان
معاني الكلمات: حرمه سنعه اي امراة ممتازه -----حوف اي تجيد الطبخ)واهم مايميز قرصان اهل الدرعيه هو كثرة البصل واهل الرياض يحبون الذرورالحار(البهارات التي ترش عليه مثل اللومي الاسود والفلفل الاسود المطحون ) والذوب (اي الزيده السائحه) ترش عليه مع البصل
]
الجريش
وهو عصيده بيضاء من حب القمح المجروش قليلا وتطبخ بمرق اللحم والبصل واللبن الحامض وترش بالزبده
واهل الرياض بالذات يجملون الجريش بالزبده الذوب وعلوبالحبحر الحمر فقط -وبلاد العارض الاخرى يجملون بالبصل المحموس وهنا جمعت الطريقتين-
]
وفي الصوره في الاسفل
شوربة الجريش ويوجد لدينا شوربه اخرى تسمى صلوله
عباره عن طحين بر مذاب في مرقة اللحم
ايدم القرع ويسمى ايدام البوبر
]
وعند اهلي اهل الرياض عادات في الاكل ياناس ياحبي لهم ماهيب عند غيرهم
(ياناس مافيهم كبرولازود)
كل هذا الاكل من بكره ما بقى منه شي تقاسمنا البقيه كلهاوكلن خذا معه للبيت شوي
نعشق ونحب الغبيب (ماتبقى من الاكل ويؤكل من بكره وخصوصا --غبيب القرصان --ياسلام عليه ) وسخر الله لنا ها الثلاجات والافران الحديثه بعد والحمد الله
لاولعلمكم احب اكله عندنا (القراره )وهي ما يتبقى في قدر الطبخ ويلصق في قدر الطبخ )وخاصة قرارة قدر الجريش
الشاطر اللي يحك قدر الجريش ويأكل منه............
هذا وصلو على صفوة الباري ورحمته وخير خلق الله من عرب ومن نسمي
